Choyce v.d. Altburg der beste Labi für mich

Hey liebs Choyce (12.6.1999 - 11.1.2011 )

Höt esch de Tag cho,wo mer müend vonenand Abschied neh.Es tuet mer so
weh dass ich Dini krankheit ned ha chönne heile helfe.

I minere gröschte krise besch emmer a minere site gsi,hesch jede tag of mich
gwartet.Mängi prüefig hämmer zäme erfolgrich gschafft,send am morge am
4 ufgstande und ane Usstellig.16 chlini Labis hesch Du gebore,mängi
strapaze of Dech muesse neh.du hesch das met Bravour emmer toll
gmacht.Dis Töchterli Bubbels und din Sohn Cosmo werde mech jede Tag an
Dech errinnere.Es werd kei so ne Labi me geh wie Du gsi besch.Dis
ifüehlvermöge und dini Bereitschaft emmers beschte z geh esch de
hammer gsi.i ha mer gseit Du söllsch nie Schmerze ha,müesse lide.jetzt
esch de Zitpunkt cho wo mer müend Abschied neh Choyce.I weiss jetzt wo
Du mer mini Träne vo de Auge gschleckt hesch,dass es au för Dech ok
esch. Bye bye choyce mer werde eus secher weder mol begegne....

André und alli wo dech mega gärn gha händ